Fanm

Bèl cheve natirèl, cheve trese

Tèt grenn oswa pèmanant

Marabou, grimèl

Ti nègès osinon po lanvè

Pa negosye respè l

Pa neglije valè l

Nanpwen penti k' ka chanje koulè

Yon nanm

Nanpwen fizik ki ka diskite valè

Yon fanm

Madan papa, limena, fanm ghetto

Ousinon pale "pointu", fè zuzu

Deyè biwo ak talon wo;

Entelektyèl, pwofesyonèl,

Avoka...

Fanm ki aprann lavi a

Oubyen sou beton

Bras nan kras;

Lamizè ak vilokan:

Fanm lavi a aprann

Avan w manke l respè

Sonje se youn ki manman w

Avan w di l san valè

Pare pou w pran verite sa a nan dan w.

Kelytha Sarah Charles