Fòk sa kaba!

Yo di fanm se kajou

li pa mal pou'l repare

kidonk yo kapab ba nou kou

kraze zo nou jan yo vle

Yo di fanm se sèks fèb

paske nou gen sansibilite

e se potèt sa yap profite

trete nou kouwè byen mèb

Yo di fanm se objè seksyèl

pou fè yo monte nan setyèm syèl

kou yo anvi demonte "manmzèl"

dakò pa dakò, dekilakyèl!

Vy òl, kadejak

kout baton ki kite mak

yo fè'n tout move zak

ala nèg yo tchak!

Li lè li tan pou mo fanm nan

gen yon lòt definisyon

pou tout sila ki bliye manman

pa janm konn gason

Li lè li tan pou lemònn fini

Ak vyolans sou tout fòm

Sitout kont sèl moun ki bay lavi

Sila ki konplemantè a lòm

Li lè pou tout tòsyonè pini

Li lè pou fanm jwen jistis

E se vre nap goumen pou jis

Fanm ak fi rejwenn souri.

Berlainie Joachim

Lire la suite dans <top10><poeme><fòksakaba!>